ថ្ងៃខួបកំណើត

                                   “ថ្ងៃខួបកំណើត”

ថ្ងៃកំណើតនៃកូនខ្លះ                              ជប់លៀងនៅផ្ទះសប្បាយក្រៃ
ជួបជុំមិត្តម្រាក់ទាំងប្រុសស្រី                  អបអរឆ្នាំថ្មីសិរីជោគ។

ភ្លេចគិតថាថ្ងៃកំណើតខ្លួន                       ថ្ងៃម៉ែថ្ទួនៗដោយទុក្ខសោក
ស្ទើរសូន្យសង្ខារចាកចោលលោក           ចិត្តនឹកគិតភ្នក់រកបុត្តស្នេហ៍។

តែកូនមិនដឹងប្រឹងសប្បាយ                   យកថ្ងៃក្សិណក្ស័យរបស់ម៉ែ
សប្បាយច្រៀងសើចជាហូរហែ             លើទុក្ខរបស់ម៉ែគ្មានអនិច្ចា។

តាមពិតថ្ងៃនេះគួរប្រណិបត្ត                 គោរពអភិវាទក្រាបទាបបាទា
សូមម៉ែអភ័យរាល់អស់ទោសា             ដល់កូនផងណាព្រះម្ចាស់ថ្លៃ។